ஒவ்வொரு ஞாயிறன்றும் இரவு 07.00 மணிக்கு ஜெயா தொலைக்காட்சியில் ஒளிபரப்பாகும் "கோலிவுட் கோர்ட்' என்கிற நிகழ்ச்சியில் கடந்த வாரம் திரையிசைப் பாடல்கள் சேகரிப்பாளரான 'அலிகான்' என்பவரது நேர்காணல் ஒளிபரப்பாகியது. இவரைப் பற்றி ஏற்கெனவே அச்சு ஊடகங்களில் படித்தறிந்துள்ளேன்.
உலகத்தில் வெவ்வேறு விதமான தேடல்கள் கொண்டவர்கள் இருக்கிறார்கள். சிலரின் தேடல்கள் மற்றவர்களின் பார்வையில் விநோதமாகவும் அநாவசியமாகவும் தோன்றக்கூடும். தபால்தலைகளை சேகரிப்பது பற்றி பள்ளிக்கூட பருவத்திலேயே அறிந்திருப்போம். விதவிதமான மதுபாட்டில்கள், பேனாக்கள், தொலைபேசிக் கருவிகள், காலணிகள் தேடுவோரும் உண்டு. பலவிதமாக வடிவமைக்கப்பட்ட பெண்களின் உள்ளாடைகளை சேகரிக்கிற ஜெர்மனி தேசத்தவரைப் பற்றி எங்கோ படித்திருக்கிறேன். அன்றாட வாழ்க்கையின் சலிப்பிலிருந்து தன்னை மீட்டுக் கொள்ளவும் மற்றவர்களிடமிருந்து விலகி உயர்ந்து நிற்க விரும்புகிற, ஒவ்வொரு மனிதனுக்குள்ளும் இயல்பாக அமைந்திருக்கிற குணாதிசயமே இவ்வாறான தேடல்களுக்கு காரணமாக இருக்கக்கூடும் என்று யூகிக்கிறேன்.
என்னுடைய பதின்ம வயதில், ஒரளவு சம்பாதிக்க ஆரம்பித்த புதிதில் ஏற்படுகிற பிரத்யேக திமிரோடு விதவிதமான T-shirts, குறும்பான எழுத்துக்கள் அச்சிட்டிருக்கிற பனியன்கள் சேகரிக்கத் தொடங்கினேன். இது தினமும் புதிதான ஒரு உடை அணிய வேண்டுமென்கிற அளவிற்கு வெறியில் கொண்டு விட்டது. இதிலிருந்து ஒருவாறாக வெளியில் வந்த பிறகு எங்கோ படித்த கிரைம் நாவலின் விளைவாக, இவ்வாறான புத்தகங்கள் சேரிக்கும் பழக்கம் ஆரம்பித்தது. சென்னையின் பெரும்பாலான நடைபாதை புத்தகக் கடைகளில் என்னுடைய தேடல் விரிவடைந்தது. இலக்கியத்தின் பால் திரும்புவதற்கு இது ஒரு நல்ல காரணமாக அமைந்தாலும் அதற்குள் பல குப்பைப் புத்தகங்கள் என் வீட்டை நிறைந்திருந்தன. இந்தத் தேடல் இன்னும் (ஆனால் நவீன இலக்கியம் தொடர்பாக) தொடர்கிறது என்றாலும் இடையில் என்னுடைய தேடல் திரைப்பாடல்கள் பக்கம் திரும்பியது.
ஒலிநாடாக்கள், ஆடியோ குறுந்தகடுகள், MP3 தகடுகள் தவிர நண்பர்களிடமிருந்து இரவல் பெற்று பதிவு செய்த பாடல்கள் என்று பைத்தியமாக அலைந்தேன். இதற்காக செலவு செய்த பணத்தில் விட்டுப்போன என்னுடைய உளவியல் படிப்பை முடித்திருக்கலாம் என்கிற அளவிற்கு ஆகியது. இது திரைப்பட குறுந்தகடுகளின் வடிவில் தற்போது தொடர்ந்து கொண்டிருக்கிறது.
()
அலிகானில் ஆரம்பித்து சுயதம்பட்டத்திற்குள் புகுந்த என்னை மன்னியுங்கள். தமிழின் முதல் பேசும்படமான காளிதாசில் தொடங்கி (கிளிஷேவாக எல்லா சினிமா கட்டுரைகளிலும் சொல்லப்படுகிற இந்த தகவல் உண்மையில்லை என்றும் சாமிக்கண்ணு வின்சென்ட் என்பவர் இதற்கு முன்னரே பேசும் படத்தை தயாரித்து விட்டார் என்பதையும் ஒரு 'புதிய பார்வை' இதழில் படித்த நினைவு வருகிறது) பல பழைய திரையிசைப் பாடல்களின் LP ரெக்கார்டுகள், குறுந்தகடுகளின் அபூர்வமான தொகுப்பு இவரிடமிருக்கிறது. கிட்டத்தட்ட 3000 திரைப்படங்களின் பாட்டுப்புத்தகங்கள் (கடந்த காலங்களில் புதிய படங்களின் திரையிடல்களின் அரங்கின் வாசலில் விற்பார்களே, நினைவிருக்கிறதா?) இவரிடம் உள்ளன.
இவரின் தேடல்களின் தொடர் பயணத்தின் போது நிகழ்நத சம்பவங்களில் ஒன்றை நேர்காணலில் பகிர்ந்து கொண்டார்.
'திகம்பர சாமியார்' என்கிற திரைப்படத்தின் (இதில் எம்.என்.நம்பியார் பத்து வேடங்களில் நடித்திருக்கிறாராம்) பாடல்களை அலிகான் நெடுங்காலமாக தேடிக் கொண்டிருந்திருக்கிறார். தென்காசியில் ஒரு திருமண மண்டபத்தில் இந்தப் பாடல்கள் ஒலிபரப்பப்பட்டதாக இவரின் நண்பரொருவர் தெரிவித்திருக்கிறார். உடனே தென்காசிக்கு பயணம். தென்காசியில் உள்ள எல்லா சவுண்டு சர்வீஸ் கடைகளிலுமான தேடல் தோல்வியிலேயே முடிந்திருக்கிறது. அங்கிருந்து சற்று தொலைவில் உள்ள ஒரு மிராசுதாரரின் வீட்டில் அந்தப்படத்தின் ரெக்கார்டு இருப்பதான தகவல் கிடைத்திருக்கிறது. அங்கும் ஒடியிருக்கிறார் அலிகான். ஆனால் அந்த மிராசுதாரரோ இவரை வணிக நோக்கமுள்ள விற்பனையாளர் என்று கருதி பிடிகொடுக்காமல் திருப்பியனுப்பியுள்ளார். பின்பு உள்ளுர்காரர் ஒருவர், இவரின் சேகரிப்பு பழக்கத்தைப் பற்றி மிராசுதாரரிடம் எடுத்துச் சொல்லியதில், இவர் நிஜமாகவே சினிமாவில் ஆர்வமுள்ளரா என்பதை பல சோதனைகளுக்குப் பின்னர் (பாகவதரின் முதல்படம் எது? சொல்லுங்கள்) அறிந்து கொண்டு தன்னிடமிருந்த பல இசைத் தட்டுக்களை தந்துள்ளார்.
வருத்தப்பட வைத்த இன்னொரு சம்பவத்தையும் அலிகான் பார்வையாளர்களிடம் பகிர்ந்து கொண்டார். பிரபல திரைப்படமான 'பராசக்தி'யின் பொன்விழாவை கொண்டாட ஏவி.எம். முடிவு செய்தது. இது தொடர்பாக அந்தப்படத்தின் திரைப்பாடல்களை எழுதிய பாடலாசிரியர்கள் யார் யார் என்பதில் ஏற்பட்ட குழப்பத்தை பிலிம்நியூஸ் ஆனந்தன், சென்னை தொலைக்காட்சி, இலங்கை வானொலி உட்பட யாராலும் தெளிவாக்க இயலவில்லை. விழா நெருக்கத்தில் தவித்துக் கொண்டிருந்த ஏவி.எம் நிறுவனத்தினருக்கு, கவிஞர் வைரமுத்து, அலிகானைப் பற்றி சொல்லி தொடர்பு கொள்ளச் சொல்லியிருக்கிறார். அங்கிருந்து ஒருவர் தொடர்பு கொண்டதில், அலிகான் தொலைபேசியிலேயே அனைத்துப் பாடலாசிரியர்களின் பெயரைச் சொல்லி உதவியிருக்கிறார். ஆனால் பொன்விழாவின் அழைப்பிதழ் தனக்கு அனுப்பப்படவேயில்லை என்பது அவருக்கு மிகுந்த வருத்தத்தை ஏற்படுத்தியிருக்கிறது.
மிகுந்த சிரமத்திற்கிடையிலும் மிகுந்த பொருளாதார செலவில் சாத்தியமாகியிருக்கிற அலிகானின் சேமிப்பு பற்றி அவரின் குடும்பத்தாருக்கு பெருமைக்கு மாறாக அதிருப்தியே ஏற்பட்டிருக்கிறது. எனவே, தனக்குப் பிறகு தனது அபூர்வமான சேமிப்பின் நிலை குறித்து அவருக்கு கேள்வி எழுந்திருக்கிறது. பல தனிநபர்கள், நிறுவனங்கள் இவரின் சேமிப்பை பணம் செலுத்தி வாங்க முன்வந்தாலும், பலருக்கும் பயன்பட வேண்டும் என்கிற நல்லெண்ணத்தில் தமிழக அரசை இது தொடர்பாக அணுகியிருக்கிறார் அலிகான். ஆனால் அரசிடமிருந்து நீண்ட நாட்களாகியும் பதில் வரவில்லை.
()
இந்த மாதிரியாக உங்களுக்கிருக்கும் ஏதேனுமான விநோதமான சேகரிப்புப் பழக்கத்தைப் பற்றி இங்கு பகிர்ந்து கொண்டால் மகிழ்வேன்.
Saturday, August 11, 2007
Friday, June 22, 2007
சத்தம் போடாதே - இசை வெளியீட்டு விழா
வழக்கமாக இந்த மாதிரி பைத்தியக்காரத்தனத்தையெல்லாம் நான் செய்வதில்லை. அதாவது போட்டிகளுக்கு SMS அனுப்புவது. "நீங்கள் சிறுநீர் கழிக்க எடுத்துக் கொள்ளும் நேரம் எவ்வளவு?... ஆப்ஷன் A, 2 நிமிடங்கள், ஆப்ஷன் B, 2-1/2 நிமிடங்கள், ஆப்ஷன் C, 3.35 நிமிடங்கள். உங்க மொபைல் போனை எடுத்து URINE அப்படின்னு டைப் பண்ணி ஒரு ஸ்பேஸ் விட்டு .............." என்று கூட SMS போட்டிகள் அபத்தமாய் போய்விடுமோ என்னுமளவிற்கு ரேடியோவையும், டி.வியையும் இயக்கினால் கணக்கில்லாத, வணிக உள்நோக்கமுள்ள போட்டிகள். செல்போன் வாங்கின புதிதில் 10 பைசாதானே என்று தெரியாமல் ஒரு போட்டிக்கு அனுப்பினதில் சுளையாக ஐந்து ரூபாய் செலவானதிலிருந்து ஜாக்கிரதையாக இருக்கிறேன். போட்டி நடத்துநர்களுக்கும் நெட்வொர்க் ஆப்ரேட்டர்களுக்கும் இருக்கிற வணிக ஒப்பந்தம் குறித்து பின்னர் அறிந்து கொள்ள முடிந்தது.
என்றாலும் சமீபத்திய ஆனந்தவிகடனில் குறுஞ்செய்தி அனுப்பும் முதல் 500 நபர்களுக்கு இயக்குநர் வசந்தின் வெளிவரப்போகிற படமான "சத்தம் போடாதே" திரைப்பட இசை வெளியீட்டு விழாவிற்கு அழைப்பிதழ் அனுப்பப்படும் என்றிருந்தது. அது மட்டும் காரணமில்லை. விழாவில் பங்கேற்கும் வாசகர்களுக்கு சம்பந்தப்பட்ட படத்தின் பாடல்களின் குறுந்தகடு அன்பளிப்பாக அளிக்கப்படும் என்றுமிருந்தது. ஓசி என்றால் ஓட்டை விழுந்த ஆணுறையைக் கூட வாங்கிக் கொள்கிற பாராம்பரியம் மிக்க தமிழ இனம்தானே நானும்! இலவசம் என்றால் ஆட்சிப் பொறுப்பையே ஒப்படைக்கிற பெரும்பான்மையான ஆட்டுமந்தைகள் மத்தியில் நான் எம்மாத்திரம். குறுஞ்செய்தி அனுப்பியதில் அழைப்பிதழ் வந்து சேர்ந்தது.
தேனாம்பேட்டை காமராஜர் அரங்கம். ஒரு திரைப்பட பாடல் வெளியீட்டிற்கு இத்தனை பேர் மெனக்கெட்டு வந்திருப்பார்கள் என்று நான் நினைக்கவில்லை. sms அனுப்பச் சொல்லியது கூட கூட்டம் சேர்க்க ஒரு வழி என்றே நினைத்திருந்தேன். ஆனால் ஆ.வி. வாசகர்கள் தவிர மற்றவர்கள் சுமார் 1500 பேர் வந்திருந்தனர். பக்கத்தில் அமர்ந்திருந்த ஆஜானபாகுவரின் பிரம்மாண்ட கையை தாண்டி என்னுடைய கையை இருக்கையின் கைப்பகுதியில் வைத்துக் கொள்வதற்கு நான் சிரமப்பட வேண்டியதாயிருந்தது.
ஆ.வி. வாசகர்களுக்கு மாத்திரம் முதலில் skc வழங்கினர். இந்திய வழக்கப்படி விழா ஒரு மணி நேரம் தாமதமாக தொடங்கியது. படவா கோபி நிகழ்ச்சியை திறமையாக தொகுத்தளித்தார். பார்வையாளர்களிடம் எப்படி உற்சாகமாக intereact செய்வது என்பது அவருக்கு தெளிவாக தெரிந்திருந்தது. அசட்டு ஜோக்குகள் சிலவற்றின் உதவியுடன் கூட்டத்தை அவ்வப்போது ஆர்வரிக்க வைத்தார். படத்தின் பாடல்கள் மேடையில் ஒவ்வொன்றாக இசைக்கப்பட்டன. பாடகர் குரல் தவிர மற்றவை sound track-ல் இருந்து இசைக்கப்பட்டதா என்று எனக்கு சந்தேகமாக இருந்தது. live orchestra என்றால் இயல்பாக அதன் வித்தியாசத்தை உணர முடியும். பெரும்பாலான திருமண ரிசப்ஷன்களிலும், இசை நிகழ்ச்சிகளிலும் இவ்வாறுதான் ஏமாற்று வேலை நடைபெறுகிறது.
யுவுன் மேடைக்கு வந்த போது அப்படி ஒரு வரவேற்பு. இளைஞர்கள் மத்தியில் யுவனுக்கு மிகுந்த வரவேற்பு இருந்ததை உணரமுடிந்தது. பாலச்சந்தர் வெளியிட ராமநாரயணன் முதல் தகட்டை பெற்றுக் கொண்டார்.
யுவன்:
வழக்கமாக நான் பாடல்களுக்கு இசையமைப்பு பணி முடிந்தவுடன் அந்த பாடல்களை முற்றிலுமாக மறந்த அடுத்த வேலையை கவனிக்க போய்விடுவேன். ஆனால் இந்த படத்தின் பாடல்களை தொடர்ந்து கேட்டுக் கொண்டிருக்கிறேன். என் மனதிற்கு மிக நெருக்கமாக இசையமைப்பு செய்ய முடிந்தது.
ராமநாராயணன்:
வசந்த் படங்கள் பொதுவாக நன்றாக இருக்கும். இந்தப்படத்தில் நா.முத்துக்குமாரின் பாடல் வரிகள் சிறப்பாக உள்ளன. வாலியையும் வைரமுத்துவையும் கலந்தது போல் உள்ளது அவரது எழுத்து.
பாலச்சந்தர்:
வசந்த் என்றாலே MP, அதாவது Master Pefection. அவர் படங்களுக்கு நான் விசிறி. எனக்கு வயதாகிவிட்டது. யுவனைப் போன்ற இளைஞர்களிடம் பணிபுரியவில்லையே என்று வருத்தமாக உள்ளது. யுவன் அவரது அப்பாவையும் தாண்டிச் செல்ல வேண்டும் என்று வாழ்த்துகிறேன்.
()
த்ரிஷா, சிநேகா, சந்தியா போன்ற நடிகைகள் மேடையேறும் போது விசிலும் சத்தமுமாக கூட்டம் ஆர்ப்பரித்ததை கவனிக்கும் போது தமிழர்களின் ரசனை போதாமை குறித்து சிரிப்பாக வந்தது. தொகுத்தளித்த படவா கோபி "நிகழ்ச்சி முடியும் போது சூப்பரான ஒரு அயிட்டம் இருக்கு. அதனால காத்திருந்து பாருங்க" என்று தொகுப்பாளர்களுக்கேயுரிய சாமாத்தியத்துடன் சொல்லிக் கொண்டிருந்ததை மீறி மணியாகிவிட்டதால் புறப்பட்டு விட்டேன். ("உங்களுக்காக இன்னும் ரெண்டு நடிகைகங்களை வரவெச்சிருக்கோம். நல்லா கைத்தட்டுங்க" என்று ஏற்பாடு செய்கிறவர் மாதிரியே பேசிக் கொண்டிருந்ததை தவிர்த்திருக்கலாம்)
மறக்காமல் ஆ.வி கொடுத்த ஓ.சி சி.டியை வாங்கிக்கொண்டு புறப்பட்டேன்.
()
வீட்டிற்கு சென்றதும் பாடல்களை ஒலிக்க விட்டேன். யுவனுக்கு தற்போதைய இசை சம்பந்தமாக தொழில்நுட்பங்களை திறமையாக பயன்படுத்திக் கொள்ள தெரிந்திருக்கிறது. ரகுமான் போட்டுக் கொடுத்த பாதையிது. இப்போதைய இசையமைப்பாளர்களில் பலர் notation எழுதி orchestra மூலமாக compose செய்வதை விட ரெடிமேடாக கிடைக்கும் சில லூப்களை வைத்து சமாளிக்கின்றனர். என்னதான் தொழில்நுட்பம் பயன்படுத்த எளிமையாகிக் கொண்டிருந்தாலும் சுயதிறமை இல்லாமல் நீடித்த புகழும் பாராட்டும் கிடைக்காது. நான் கேட்டவரையில் பாடல்களை compose செய்வதில் இளையராஜாவைப் போல் ஒழுங்குணர்ச்சியுடனும் சீரான தாளலயத்துடனும் செய்பவர்கள் அரிதானவர்கள். ராஜாவின் பாடல்களை கேட்கும் போது பாதுகாப்பான மடியில் படுத்திருக்கிற உணர்வை அடைய முடிகிறது. நான் மனஉளைச்சலாக உணரும் போதெல்லாம் ராஜாவின் மெலடி பாடல்களின் மூலம் என்னை மீட்டுக் கொண்டிருக்கிறேன். இப்போதைய பாடல்களில் அதன் ஆன்மா இழந்து கதறுவதை வருத்தத்துடன் கவனிக்க முடிகிறது.
இந்தப்படத்தின் 5 பாடல்களில் 4 பாடல்கள் சிறப்பாகவே இருக்கின்றன. "அம்முகுட்டி செல்லம்" என்று குழந்தையின் இயல்புகளை கூறுகிற பாடலின் வரிகள் சிறப்பாக உள்ளன. "எப்போதும் ஓயாத அழுகை / ஏனிந்த முட்டிக்கால் தொழுகை / எப்போதும் இவன் மீது பால்வாசனை / என்ன மொழி யோசிக்கும் இவன் யோசனை... போன்ற வரிகளில் நா.முத்துக்குமாரின் கவித்துவம் தெரிகிறது. ஆனால் இந்தப்பாடலை கொஞ்சம் fast number-ஆக இல்லாமல் மெலடியாக போட்டிருக்கலாம்.
"ஓ.. இந்த காதல் என்ற பூதம்" என்கிற பாடலில் என்னுடைய அபிமான பாடகர்களில் ஒருவரான அத்னான் சாமி பாடியிருக்கிறார். ஆனால் கூடவே யுவனின் குரலும் இணைகோடாக ஒலிப்பது இடையூறாக உள்ளது. கேட்பதற்கு நன்றாக உள்ளது இந்தப்பாட்டு.
"காமம் பெரியதா, காதல் பெரியதா" என்ற பாடலை சுதா ரகுநாதன் பாடியிருக்கிறார். "இவன்" படத்தில் சுதாவை, ராஜா கர்நாடக சங்கீத அடிப்படையில் அமைந்த பாடலுக்காகவே பயன்படுத்தியிருந்தார். அப்படியில்லாமல் ரெகுலரான பாடல்களுக்கு உபயோகித்தால்தான் சுதாவின் மற்றுமொறு பக்க திறமையை உணரமுடியும் என்று "மதன்" விமர்சித்திருந்தார். அதை மெய்ப்பிக்கும் வகையில் fast number-ஆன இந்தப்பாடலில் சுதாவின் குரல் மிக திறமையாக இயைந்தோடுகிறது. நிச்சயம் ஹிட்டாகக்கூடிய பாடல் இது என்று நம்புகிறேன்.
()
அலுவலக தளையில் இருந்து விடுபட்டு வித்தியாசமான ஒரு சூழலையும் பரிசையும் அளித்த ஆனந்த விகடனுக்கு நன்றி.
என்றாலும் சமீபத்திய ஆனந்தவிகடனில் குறுஞ்செய்தி அனுப்பும் முதல் 500 நபர்களுக்கு இயக்குநர் வசந்தின் வெளிவரப்போகிற படமான "சத்தம் போடாதே" திரைப்பட இசை வெளியீட்டு விழாவிற்கு அழைப்பிதழ் அனுப்பப்படும் என்றிருந்தது. அது மட்டும் காரணமில்லை. விழாவில் பங்கேற்கும் வாசகர்களுக்கு சம்பந்தப்பட்ட படத்தின் பாடல்களின் குறுந்தகடு அன்பளிப்பாக அளிக்கப்படும் என்றுமிருந்தது. ஓசி என்றால் ஓட்டை விழுந்த ஆணுறையைக் கூட வாங்கிக் கொள்கிற பாராம்பரியம் மிக்க தமிழ இனம்தானே நானும்! இலவசம் என்றால் ஆட்சிப் பொறுப்பையே ஒப்படைக்கிற பெரும்பான்மையான ஆட்டுமந்தைகள் மத்தியில் நான் எம்மாத்திரம். குறுஞ்செய்தி அனுப்பியதில் அழைப்பிதழ் வந்து சேர்ந்தது.
தேனாம்பேட்டை காமராஜர் அரங்கம். ஒரு திரைப்பட பாடல் வெளியீட்டிற்கு இத்தனை பேர் மெனக்கெட்டு வந்திருப்பார்கள் என்று நான் நினைக்கவில்லை. sms அனுப்பச் சொல்லியது கூட கூட்டம் சேர்க்க ஒரு வழி என்றே நினைத்திருந்தேன். ஆனால் ஆ.வி. வாசகர்கள் தவிர மற்றவர்கள் சுமார் 1500 பேர் வந்திருந்தனர். பக்கத்தில் அமர்ந்திருந்த ஆஜானபாகுவரின் பிரம்மாண்ட கையை தாண்டி என்னுடைய கையை இருக்கையின் கைப்பகுதியில் வைத்துக் கொள்வதற்கு நான் சிரமப்பட வேண்டியதாயிருந்தது.
ஆ.வி. வாசகர்களுக்கு மாத்திரம் முதலில் skc வழங்கினர். இந்திய வழக்கப்படி விழா ஒரு மணி நேரம் தாமதமாக தொடங்கியது. படவா கோபி நிகழ்ச்சியை திறமையாக தொகுத்தளித்தார். பார்வையாளர்களிடம் எப்படி உற்சாகமாக intereact செய்வது என்பது அவருக்கு தெளிவாக தெரிந்திருந்தது. அசட்டு ஜோக்குகள் சிலவற்றின் உதவியுடன் கூட்டத்தை அவ்வப்போது ஆர்வரிக்க வைத்தார். படத்தின் பாடல்கள் மேடையில் ஒவ்வொன்றாக இசைக்கப்பட்டன. பாடகர் குரல் தவிர மற்றவை sound track-ல் இருந்து இசைக்கப்பட்டதா என்று எனக்கு சந்தேகமாக இருந்தது. live orchestra என்றால் இயல்பாக அதன் வித்தியாசத்தை உணர முடியும். பெரும்பாலான திருமண ரிசப்ஷன்களிலும், இசை நிகழ்ச்சிகளிலும் இவ்வாறுதான் ஏமாற்று வேலை நடைபெறுகிறது.
யுவுன் மேடைக்கு வந்த போது அப்படி ஒரு வரவேற்பு. இளைஞர்கள் மத்தியில் யுவனுக்கு மிகுந்த வரவேற்பு இருந்ததை உணரமுடிந்தது. பாலச்சந்தர் வெளியிட ராமநாரயணன் முதல் தகட்டை பெற்றுக் கொண்டார்.
யுவன்:
வழக்கமாக நான் பாடல்களுக்கு இசையமைப்பு பணி முடிந்தவுடன் அந்த பாடல்களை முற்றிலுமாக மறந்த அடுத்த வேலையை கவனிக்க போய்விடுவேன். ஆனால் இந்த படத்தின் பாடல்களை தொடர்ந்து கேட்டுக் கொண்டிருக்கிறேன். என் மனதிற்கு மிக நெருக்கமாக இசையமைப்பு செய்ய முடிந்தது.
ராமநாராயணன்:
வசந்த் படங்கள் பொதுவாக நன்றாக இருக்கும். இந்தப்படத்தில் நா.முத்துக்குமாரின் பாடல் வரிகள் சிறப்பாக உள்ளன. வாலியையும் வைரமுத்துவையும் கலந்தது போல் உள்ளது அவரது எழுத்து.
பாலச்சந்தர்:
வசந்த் என்றாலே MP, அதாவது Master Pefection. அவர் படங்களுக்கு நான் விசிறி. எனக்கு வயதாகிவிட்டது. யுவனைப் போன்ற இளைஞர்களிடம் பணிபுரியவில்லையே என்று வருத்தமாக உள்ளது. யுவன் அவரது அப்பாவையும் தாண்டிச் செல்ல வேண்டும் என்று வாழ்த்துகிறேன்.
()
த்ரிஷா, சிநேகா, சந்தியா போன்ற நடிகைகள் மேடையேறும் போது விசிலும் சத்தமுமாக கூட்டம் ஆர்ப்பரித்ததை கவனிக்கும் போது தமிழர்களின் ரசனை போதாமை குறித்து சிரிப்பாக வந்தது. தொகுத்தளித்த படவா கோபி "நிகழ்ச்சி முடியும் போது சூப்பரான ஒரு அயிட்டம் இருக்கு. அதனால காத்திருந்து பாருங்க" என்று தொகுப்பாளர்களுக்கேயுரிய சாமாத்தியத்துடன் சொல்லிக் கொண்டிருந்ததை மீறி மணியாகிவிட்டதால் புறப்பட்டு விட்டேன். ("உங்களுக்காக இன்னும் ரெண்டு நடிகைகங்களை வரவெச்சிருக்கோம். நல்லா கைத்தட்டுங்க" என்று ஏற்பாடு செய்கிறவர் மாதிரியே பேசிக் கொண்டிருந்ததை தவிர்த்திருக்கலாம்)
மறக்காமல் ஆ.வி கொடுத்த ஓ.சி சி.டியை வாங்கிக்கொண்டு புறப்பட்டேன்.
()
வீட்டிற்கு சென்றதும் பாடல்களை ஒலிக்க விட்டேன். யுவனுக்கு தற்போதைய இசை சம்பந்தமாக தொழில்நுட்பங்களை திறமையாக பயன்படுத்திக் கொள்ள தெரிந்திருக்கிறது. ரகுமான் போட்டுக் கொடுத்த பாதையிது. இப்போதைய இசையமைப்பாளர்களில் பலர் notation எழுதி orchestra மூலமாக compose செய்வதை விட ரெடிமேடாக கிடைக்கும் சில லூப்களை வைத்து சமாளிக்கின்றனர். என்னதான் தொழில்நுட்பம் பயன்படுத்த எளிமையாகிக் கொண்டிருந்தாலும் சுயதிறமை இல்லாமல் நீடித்த புகழும் பாராட்டும் கிடைக்காது. நான் கேட்டவரையில் பாடல்களை compose செய்வதில் இளையராஜாவைப் போல் ஒழுங்குணர்ச்சியுடனும் சீரான தாளலயத்துடனும் செய்பவர்கள் அரிதானவர்கள். ராஜாவின் பாடல்களை கேட்கும் போது பாதுகாப்பான மடியில் படுத்திருக்கிற உணர்வை அடைய முடிகிறது. நான் மனஉளைச்சலாக உணரும் போதெல்லாம் ராஜாவின் மெலடி பாடல்களின் மூலம் என்னை மீட்டுக் கொண்டிருக்கிறேன். இப்போதைய பாடல்களில் அதன் ஆன்மா இழந்து கதறுவதை வருத்தத்துடன் கவனிக்க முடிகிறது.
இந்தப்படத்தின் 5 பாடல்களில் 4 பாடல்கள் சிறப்பாகவே இருக்கின்றன. "அம்முகுட்டி செல்லம்" என்று குழந்தையின் இயல்புகளை கூறுகிற பாடலின் வரிகள் சிறப்பாக உள்ளன. "எப்போதும் ஓயாத அழுகை / ஏனிந்த முட்டிக்கால் தொழுகை / எப்போதும் இவன் மீது பால்வாசனை / என்ன மொழி யோசிக்கும் இவன் யோசனை... போன்ற வரிகளில் நா.முத்துக்குமாரின் கவித்துவம் தெரிகிறது. ஆனால் இந்தப்பாடலை கொஞ்சம் fast number-ஆக இல்லாமல் மெலடியாக போட்டிருக்கலாம்.
"ஓ.. இந்த காதல் என்ற பூதம்" என்கிற பாடலில் என்னுடைய அபிமான பாடகர்களில் ஒருவரான அத்னான் சாமி பாடியிருக்கிறார். ஆனால் கூடவே யுவனின் குரலும் இணைகோடாக ஒலிப்பது இடையூறாக உள்ளது. கேட்பதற்கு நன்றாக உள்ளது இந்தப்பாட்டு.
"காமம் பெரியதா, காதல் பெரியதா" என்ற பாடலை சுதா ரகுநாதன் பாடியிருக்கிறார். "இவன்" படத்தில் சுதாவை, ராஜா கர்நாடக சங்கீத அடிப்படையில் அமைந்த பாடலுக்காகவே பயன்படுத்தியிருந்தார். அப்படியில்லாமல் ரெகுலரான பாடல்களுக்கு உபயோகித்தால்தான் சுதாவின் மற்றுமொறு பக்க திறமையை உணரமுடியும் என்று "மதன்" விமர்சித்திருந்தார். அதை மெய்ப்பிக்கும் வகையில் fast number-ஆன இந்தப்பாடலில் சுதாவின் குரல் மிக திறமையாக இயைந்தோடுகிறது. நிச்சயம் ஹிட்டாகக்கூடிய பாடல் இது என்று நம்புகிறேன்.
()
அலுவலக தளையில் இருந்து விடுபட்டு வித்தியாசமான ஒரு சூழலையும் பரிசையும் அளித்த ஆனந்த விகடனுக்கு நன்றி.
Subscribe to:
Posts (Atom)