வாங்க இலவசமாக மசாலா திரைப்படங்களை பார்க்கலாம்

மசாலாத் திரைப்படங்கள், கில்மா திரைப்படங்கள் என்று அடிக்கடி பலர் ரகசியமாக உரையாடுகிறார்களே.. அதென்ன மசாலாத் திரைப்படம்? அதில் அப்படியென்ன கிளுகிளுப்பு இருக்கிறது? அதை ஏன் நாம் பார்க்கக்கூடாது? அதில் அப்படியென்ன 'மேட்டர் இருக்கிறது' சரி பார்க்கும் ஆவல் இருந்தாலும் யாருக்கும் தெரியாமல் எங்கு சென்று பார்ப்பது? அந்தப் பிட்டுகளின் டிவிடி எங்கு கிடைக்கும்?

இப்படியான பல கேள்விகள் கசக்கிப் போட்ட காண்டத்தைப் போல பதிவர்களாகிய நம் மனதில் முடங்கிக் கிடக்கிறது அல்லவா? இந்தக் கேள்விகளுக்கு விடை தேடும் முயற்சிதான் 'எதிர்உரையாடல் கலை இலக்கிய அமைப்பின் சார்பாக நமக்கு நாமே ஆரம்பித்துள்ள 'கில்மா குறும்பட இயக்கம்'.

ஒவ்வொரு மாதமும் முதல் சனிக்கிழமை அன்று ஒரு குறும்படம் 'முக்கியமான காட்சிகளுடன்' திரையிடப்படும். படம் முடிந்ததும் அதில் 'தெரிந்த' நுணுக்கமான விஷயங்களைப் பற்றி சுவாரசியமாக பதிவர்கள் உரையாடலாம்.

பதிவர்கள் குடும்பத்திற்குத் தெரியாமல் கலந்து கொள்ளலாம். ஆனால் 18 வயதுக்கு மேற்பட்டவர்களுக்கு மட்டுமே அனுமதி.

இது முற்றிலும் பதிவர்களாகிய நம் சுய இன்பத்திற்காக... மன்னிக்கவும் சுய மகிழ்ச்சிக்காக நாம் ரசிப்பதற்காக 'கில்மா அறிவு' குறித்த நமது போதாமையை களைவதற்காக நமக்கு நாமே எடுக்கும் சிறு முயற்சி.

புரொக்ஜக்ஷன் மற்றும் திரையரங்க ஹாலுக்கான கட்டணத்தை 'அமீரகச் சிங்கம்' பிரபல பதிவர் ஆசிப் மீரான் ஏற்கிறார். பார்வையாளர்களுக்கு இடைவேளையில் மசாலா பாப்கார்னும் முட்டை பஜ்ஜியும் வாங்கித் தருவதற்கும் அவர் பெருமனதுடன் இசைந்திருக்கிறார். திரையிடல் முடிந்ததும் ஆசிப் மீரான் எழுதிய 'சாத்தான்குளம்' பஞ்சாயத்து விருது பெற்ற 'எங்கேயும் ஒரு மங்கை' (படங்களுடன் மற்றும் ஸ்டேப்ளர் பின் அடிக்கப்பட்டது) என்கிற புதினம் அனைத்து பார்வையாளர்களுக்கும் இலவசமாக தரப்படும்.

ஆசிப் கவிதைப் பேரவையில் உறுப்பினர்களாக உள்ளவர்களுக்கு மாத்திரமே அனுமதி. ஆர்வமிருந்தால் ஆசிப்பிடமிருந்து விண்ணப்ப படிவத்தை வாங்கி பூர்த்தி செய்து உறுப்பினராக பிறகுதான் அனுமதியளிக்கப்படும்.

முதல்படியாக ஜூன் 6ந்தேதி அன்று ஒரு மலையாள க்ளாசிக் திரைப்படம் திரையிடப்படயிருக்கிறது.

படத்தின் பெயர்: 'அஞ்சரைக்குள்ள வண்டி'
நாடு: கேரளம் மற்றும் தமிழ்நாடு
இயக்குநர்: யாரோ
நாள்: ஜூன் 6ந்தேதி சனிக்கிழமை
நேரம்: சரியாக மாலை அஞ்சரை மணி
இடம்: பரங்கிமலை 'ஒளி' ஹால். ஜி.எஸ்.டி.ரோடு, சென்னை
(நமீதா ஒயின்ஸ் எதிரே)

இந்த 'க்ளாசிக்கை' ஐம்பதுக்கும் மேற்பட்ட முறை பார்த்து ரசித்த சகபதிவர் 'பீர்பார்வை', இந்தப் படத்தை பற்றின முறையான அறிமுகத்தை தமது பதிவில் எழுதுவார். அதே போல் பதிவர்கள் அனைவரும் படத்தைப் பார்த்தபின் தங்களின் கருத்துக்களை பதிவாக வெளிப்படையாக எழுதினால் 'தமிழ்மணம்' போன்ற திரட்டிகள் உங்களை வெளியேற்ற ஏதுவாக இருக்கும்.

இந்த திரையிடல் இன்னும் சிறப்பாக அமைய, உங்களின் 'கீழான' ஆலோசனைகள் வரவேற்கப்படுகின்றன.

இது 'நமக்கு நாமே' திட்டம். வாருங்கள்! கொண்டாடி மகிழ்வோம்.

தோழமையுடன்
காரியக்காரன்.

(இது முற்றிலும் நகைச்சுவை நோக்கத்திற்காக மாத்திரமே எழுதப்பட்டது. யாரையும் புண்படுத்தும், அவமதிக்கும், விமர்சிக்கும் நோக்கமல்ல. ஆசிப்மீரானின் பெயர் அவரின் அனுமதியில்லாமலேயே உபயோகப்படுத்தப்பட்டிருக்கிறது என்பதையும் பெருமையுடன் தெரிவித்துக் கொள்கிறோம். இது ஒரு மொக்கை பதிவு என்பதை தனியே குறிப்பிட்டுச் சொல்ல அவசியமில்லை).

suresh kannan